Banorët e Lagjes së Trimave kthehen në shtëpitë e tyre

(E plotësuar) Banorët e Lagjes së Trimave në Kumanovë kanë filluar të kthehen nëpër shtëpitë e tyre.

Shumë emocione ka nëpër fytyrat e banorëve të kësaj lagje.
Kanë shpërthyer në lot ata banorë që gjetën shtëpitë e djegura dhe të shkatërruara.
Gëzhoja plumbash e gjak nëpër rrugë, kjo është pasqyra e Lagjes se Trimave, pasi nga aty është larguar me policia.
Lagja është në terr, pasi që largpërçuesi është dëmtuar nga granatimet e policisë.

Gjatë tërheqjes nga Kumanova, policia ka marr me veti edhe 14 trupat e shqiptarëve të armatosurve që, u përleshen ditë më parë me forcat policore. Qeveria ka paralajmëruar personat e shtëpive që u janë shkaktuar dëme gjatë aksionit të policisë, do tu jepen kompensim financiar pas përfundimit të vlerësimit.

14 persona të grupit të armatosur janë vrarë kurse nga policia 8 pjesëtarë të intervenimit të shpejtë janë vrarë dhe 37 të tjerë kanë ngelur të plagosur, gjatë konfrontimit në mes policisë dhe personave të armatosur në lagjen e trimave në Kumanove, kështu kumtoi sot pasdite Ministria e Punëve të Brendshme e Maqedonisë.

Zëdhënësi i kësaj ministrie, Ivo Kotevski, në një konferencë për media, tha se grupi i armatosur është udhëhequr nga 5 persona kryesor, tre prej të cilëve janë dorëzuar. Në mesin e të dorëzuarve nuk bën pjesë Mirsad Ndrecaj – NATO, ndërsa të gjithë pjesëtarët e përfshirë në këtë konflikt kanë qenë pjesë e Brigadës 113 të ish-Ushtrisë Çlirimtare Kombëtare, beri të ditur Kotevski.

Ai shtoi se “Janë dorëzuar rreth 30 persona të tjerë, kurse në vendin e ngjarjes janë gjetur shumë armë. Duke pasur parasysh se gjatë kësaj kohë e kanë sulmuar policinë kanë pasur snajper, bomba dhe topa dore” njoftoi Kotevski. /RTKLive.com

Artikel bewerten
(0 Stimmen)