Hoxha që varrosi ‘Familjen Jashari’: Unë mund t’ua siguroj vendin për varreza katolikëve të Llapushnikut (Video)

Imami nga Skenderaj, Osman Musliu, përveç që njihet për qëndrimet e tij të prera kundër islamikëve radikal, e edhe lidershipit të Bashkësisë Islame të Kosovës, mbahet mend edhe si hoxha i cili i bëri ceremoninë fetare të vrarëve të Familjes Jashari nga Prekazi, gjatë luftës në Kosovë.

Imami Osman Musliu ka komentuar sot edhe ngjarjet e fundit në fshatin Llapushnik të Drenasit, ku banorët po kundërshtojnë ndërtimin e një kishe dhe varrezave katolike në një pjesë të fshatit.

Osmani thotë se katolikët e këtij fshati kanë të drejtë të kenë kishën dhe varrezat e tyre dhe nëse komuna e Drenasit nuk u ndanë pronën, ai është i gatshëm t’u falë një pjesë të tokës.

“Në varrezat e qytetit të Drenasit do t’ua siguroj vendin. Mu nuk më pengon nëse vendoset një shqiptar i besimit katolik apo ortodoks në varreza të myslimanëve. Ndaq le ta qes kryqin 2 metra se nuk i frigohem kryqit për arsye se e di që në atë vorr është një vëlla i jemi”, tha Mulla Osmani për televizionin Rrokum.

Osmani ka shtuar se prijësit e bashkësive fetare në Kosovë më shumë janë biznesmen se sa prijës fetar në Kosove. / Reporteri.net

 

Artikel bewerten
(1 Stimme)